Ինչպե՞ս գնել մատչելի ավիատոմս (12 խորհուրդ)
Այսօր որոշել եմ կիսվել մատչելի ավիատոմսեր գնելու մի քանի խորհորդներով, որոնք կարծում եմ օգտակար կլինեն։
Գնելով էժան ավիատոմս դուք հնարավորություն եք ստանում խնայված գումարով մեկ-երկու անգամ ավելի շատ ճանապարհորդել: Տոմսի արժեքը կախված է շաբաթվա օրվանից, սեզոնից և շատ այլ փոքրիկ մանրուքներից:
- Գնե՛ք ավիատոմս վաղ առավոտյան կամ գիշերը՝ մինչ աշխատանքային օրվա սկիզբը: Այդ ժամերին ավիատոմսերի գները համեմատաբար էժան են լինում և ընտրությունն էլ մեծ:
- Ավիատոմսի գինը ամենացածրն է լինում չվերթից մոտավորապես երկու ամիս առաջ: Հիշե՛ք, ինչքան ինքնաթիռում տեղերը քիչ են մնում, այնքան ավիատոմսը թանկանում է:
- Հետևե՛ք ավիաընկերությունների կայքերին և սոցիալական էջերին, և առաջինը տեղեկացեք զեղչերի և հատուկ առաջարկների մասին: Զեղչեր հիմնականում լինում են փետրվար-մարտ, ինչպես նաև հոկտեմբերից-նոյեմբեր ամիսներին: Անպայման հետևեք Սև Ուրբաթ և Կիբեր Երկուշաբթի զեղչերի տոնավաճառներին, որն անց է կացվում նոյեմբերի վերջին: Այդ օրերին ավիաընկերություններում ևս մեծ զեղչեր են լինում:
- Գնեք էժան ավիատոմսեր ժամանում/մեկնում տարբերակով շաբաթվա կեսին: Երեքշաբթի, չորեքշաբթի և հինգշաբթի օրերին ավիատոմսերը ավելի էժան են լինում, քան հանգստյան և տոնական օրերին:
- Այն չվերթները, որոնց մեկնումը գիշերային ժամերին է լինում, դրանց տոմսերն ավելի էժան են լինում, քան ցերեկային չվերթներինը, սակայն հաշվի առեք, որ այդ ժամերին պետք է օգտվեք տաքսիներից կամ այլ տրանսպորտային միջոցներից, որոնք իրենց հերթին թանկ են լինում գիշերային ժամերին:
- Օգտվե՛ք որոնողական ծրագրերից, ինչպիս օրինակ BILETIX.am-ն է: Մուտքագրելով ձեր ցանկալի ուղղությունը, դուք կստանաք մի շարք մատչելի տարբերակներ: Ձեզ մնում է միայն ընտրել:
- Օգտվեք հարևան երկրի ավիաընկերությունների առաջարկներից: Գուցե գտնեք ավելի էժան և հարմար տարբերակ: Հաճախ պատահում է, որ երկու չվերթ փոխելով դուք գումար եք խնայում:
- Դարձեք ակումբների անդամ: Դա ձեզ թույլ կտա գնել էժան ավիատոմս, ինչպես նաև օգտվել շատ այլ ծառայություններից մատչելի գներով:
- Ամրագրե՛ք ավիատոմս մի քանի հոգու համար և հենց ավիաընկերությունից, այլ ոչ թե միջնորդ կազմակերպությունից:
- Որոշ բանկեր առաջարկում են հավաքել բոնուսներ, այդ բոնուսները հետագայում կարող եք վերածել գումարի և նույնիսկ անվճար ձեռք բերել ավիատոմսեր:
- Մաքրեք համակարգչի cookie-ներն ու cache-ն: Եթե դուք արդեն փնտրել եք էժան ավիատոմսեր ձեր համակարգչի որոնողական համակարգում կամ որևիցե կայքում, ապա կրկին փնտրելու դեպքում հնարավոր է հին տվյալները առաջարկվի ձեզ: Այդ իսկ պատճառով, կրկին որոնողական համակարգից օգտվելու դեպքում ջնջեք ձեր համակարգչի cookie-ներն ու cache-ը:
- Օրինակ, եթե մեկնում եք Փարիզ, պարտադիր չէ չվերթը ընտրել ուղիղ դեպի Փարիզ: Կարող եք ընտրել հարակից մոտ քաղաքներից մեկը: Հաճախ նման ավիատոմսն ավելի էժան է լինում, քան հայտնի մեգապոլիս մեկնող ինքնաթիռներինը: Բացի այդ, հավելյալ հնարավորություն է ստեղծվում ճամփորդելու, եթե իհարկե չեք շտապում:
Հուսով եմ այս խորհորդները կօգնեն ձեռք բերել էժան ավիատոմսեր և վայելել ձեր հանգիստը, ինչու ոչ, նաև խնայելով գումար:
Գոռ Կարապետյան
